امیر جماعت اسلامی سراج الحق کا کہنا ہے کہ 2024 کا الیکشن 2018 کا فیز ٹو تھا اور اس میں جو حکومت بنی چل نہیں سکے گی۔

میڈیا سے گفتگو کرتے ہوئے امیر جماعت اسلامی سراج الحق کا کہنا تھا کہ سیاست پر مفاد پرستوں اور وڈیروں کا قبضہ ہے، سیاست ٹھیک نہ ہوئی تو ریاست بھی ٹھیک نہیں ہوسکتی۔

انہوں نے کہا کہ انتخابات میں قومی خزانے کا 50 ارب ضائع کیا گیا، نتائج میں تبدیلی اور دھاندلی سے مزید انتشار پھیلے گا، قوم کے آئندہ پانچ سال بھی ضائع کردیے گئے جب کہ معاشی اور سیاسی استحکام کی امیدیں بکھر گئیں۔

سراج الحق کا مزید کہنا تھا کہ جماعت اسلامی کا مینڈیٹ چوری ہوا، دھاندلی پر خاموش نہیں رہیں گے، دھاندلی بے نقاب کرنے کے لیے آئینی و جمہوری راستے اختیار کریں گے۔