فافن نے الیکشن کمیشن کے استعفیٰ کے حوالے سے پی ٹی آئی رہنما شعیب شاہین کے دعوےکی تردید کر دی ہے۔

تفصیلات کے مطابق فافن نے پی ٹی آئی رہنما شعیب شاہین کے اس دعوے کی تردید کر دی ہے کہ جس میں فافن نے الیکشن کمیشن کے استعفیٰ کا مطالبہ کیا ہے۔

فافن کا کہنا ہے کہ انہوں نے کبھی بھی الیکشن کمیشن سے استعفیٰ کا مطالبہ نہیں کیا۔

فافن نے کہا کہ سیاسی رہنما آزاد سول سوسائٹی گروپوں کو اپنی سیاست میں نہ گھسیٹیں، سیاسی رہنما عوامی بیانات دینے سے پہلے اپنا ہوم ورک کریں۔

 فافن نے کہا کہ وہ یہ سمجھتا ہے کہ موجودہ الیکشن کمیشن کو ڈیٹا اینالیٹکس اور فرانزک کا استعمال کرتے ہوئے قانونی طور پر چیلنج شدہ حلقوں کے کسی بھی آڈٹ کی قیادت کرنی چاہیے۔

فافن نے مزید کہا کہ آڈٹ میں آزاد مبصرین کے ساتھ سیاسی جماعتوں اور متعلقہ امیدواروں کے نمائندوں کو بھی شامل کرنا چاہیے۔