خیبرپختونخوا میں قومی اسمبلی کے سات حلقوں کے نتائج روک دیے گئے، این اے گیارہ ، این اے 15 ، این اے 27 ، این اے 28 اور این اے 38 کے نتائج جاری نہیں ہوئے۔

پشاور سے صوبائی اسمبلی کے پانچ حلقوں کے نتائج روک دیے گئے، جبکہ کے پی کے 132 قومی اسمبلی اور صوبائی اسمبلی کے حلقوں کے نتائج جاری کیے گئے۔

پشاور کے متنازع صوبائی اسمبلی کے حلقوں پر کامیابی کے نتائج کو بریک لگی ہوئی ہے، پی کے 72 ، 73 ، پی کے 74، پی کے 78 اور پی کے 79 کے کامیاب امیدواروں کا نوٹیفکیشن جاری نہیں ہوا۔

شیر افضل مروت ، شاندانہ گلزار ، عمر ایوب اور سردار یوسف، شیر علی ارباب ، اسد قیصر ، علی محمد خان اور انور تاج کی کامیابی کا نوٹیفکیشن جاری ہوا۔

نامزد وزیراعلی علی امین گنڈا کا این اے 44 اور پی کے 113 سے،  پشاور سے قومی اسمبلی کے رکن ارباب عامر ایوب اور شہریار آفریدی کی کامیابی کا اعلامیہ جاری کیا گیا۔

این اے 8 باجوڑ پر انتخابات نہیں ہوئے اس لئے کسی کی کامیابی کا اعلامیہ جاری نہیں ہوا۔