پاکستان ہاکی ٹیم کے سابق مینجر و میڈیکل آفیسر برگیڈیئر ر ڈاکٹر محمد یوسف بیگ انتقال کرگئے ہیں.

پاکستان ہاکی فیڈریشن کے صدر میر طارق حسین بگٹی سمیت پاکستان ہاکی کے حلقوں کی جانب سے مرحوم کے انتقال پر اظہار تعزیت کیا گیا ہے.

ڈاکٹر برگیڈیئر ر یوسف بیگ نے پاک فوج میں میڈیکل کے شعبہ میں نمایاں خدمات سرانجام دی ہیں.

علاوہ ازیں مرحوم پاکستان ہاکی میں بطور میڈیکل آفیسر اور مینجر کے عہدہ پر بھی اپنی پیشہ ورانہ خدمات سرانجام دے چکے ہیں۔

برگیڈیئر ر یوسف بیگ کو ہفتہ کے روز عارضہ قلب کے علاج کی خاطر اسپتال میں داخل کرایا گیا تھا، جہاں اوپن ہارٹ سرجری کے مرحلہ میں وہ جانبر نہ ہوسکے اور جان آفرین کے سپرد کردی۔

مرحوم کو گذشتہ روز سیکڑوں سوگواران کی موجودگی میں سپرد خاک کردیا گیا ہے۔