خواجہ آصف نے صدر مملکت ڈاکٹر عارف علوی پر آرٹیکل 6 کے تحت مقدمہ چلانے کی درخواست کردی۔

مسلم لیگ ن کے رہنما خواجہ آصف نے پارلیمنٹ ہاؤس میں میڈیا سے گفتگو کرتے ہوئے کہا کہ 9 مئی میں ملوث لوگوں کے ساتھ حساب کتاب ہونا چاہیے۔

خواجہ آصف نے کہا کہ نیب و دیگراداروں سے میاں صاحب اور کارکنان کے ساتھ بہت کچھ ہوا، 9 مئی کو تو ریاست پاکستان کوچیلنج کیا گیا ہے۔

لیگی رہنما کہتے ہیں کہ صدر مملکت نے دو بار آئین کی خلاف ورزی کی ہے، صدرعارف علوم پر آرٹیکل 6 کے تحت غداری کا مقدمہ چلنا چاہیے۔

انہوں نے مزید کہا کہ سیاسی استحکام کے لئے صرف سیاستدان نہیں باقی پلیئرز بھی ہیں، سارے عناصر کو ملکی استحکام کے لیے اکٹھے ہوکر بیٹھنا چاہیے۔