پاکستان کرکٹ ٹیم کے ڈائریکٹر محمد حفیظ کی پی سی بی سے راہیں جدا ہوگئی ہیں۔

خبر رساں ادارے کے مطابق پاکستان کرکٹ بورڈ کے انتظامی طور میں تبدیلی کے بعد محمد حفیظ کا کردار ختم ہوگیا ہے جب کہ بورڈ کے اعلیٰ عہدیداروں کی جانب سے بھی محمد حفیظ کو یہ واضع پیغام دے دیا گیا ہے کہ مستقبل میں ان کی خدمات درکار نہیں ہوں گی۔

رپورٹ کے مطابق چیف ایگزیکٹو سلمان نصیر نے بھی انہیں واضح پیغام دے دیا ہے کہ مینجمنٹ انہیں مزید وقت دینے کی خواہش مند نہیں ہے۔

یہ بھی پڑھیں: خراب کارکردگی کے باعث محمد حفیظ کا ٹیم ڈائریکٹر کا عہدہ خطرے میں، رپورٹ

خیال رہے کہ محمد حفیظ کو قومی ٹیم کا ڈائریکٹر مقرر کیا گیا تھا جب کہ انہوں نے دورہ آسٹریلیا اور دورہ نیوزی لینڈ پر اپنی خدمات انجام دی ہیں۔

تاہم ذکا اشرف کی چیئرمین شپ میں محمد حفیظ نے جس طرح کام کیا وہ بورڈ کے آفیشلز کے لیے انتہائی تشویش کا باعث تھا جس کا عملی نمونہ ہمیں دورہ کے اختتام پر بھی دیکھنے کو ملاْ

دورہ کے اختتام پر جب قائم مقام چیئرمین پی سی بی سے ملاقات کے بعد محمد حفیظ کو دورے کی تفصیلی میڈیا بریفنگ دینی تھی تو انہیں پلیٹ فارم نہیں دیا گیا تھا۔