عوامی نیشنل پارٹی نے انتخابی نتائج میں مبینہ تبدیلی کے خلاف احتجاجی مظاہروں کا اعلان کیا ہے۔

تفصیلات کے مطابق ملک میں 8 فروری کو ہونے والے عام انتخابات میں مبینہ انتخابی نتائج کی تبدیلی کے خلاف عوامی نیشنل پارٹی نے احتجاجی مظاہروں کا اعلان کر دیا ہے۔

اے این پی کے صوبائی صدر ایمل ولی خان کا کہنا تھا، انتخابی نتائج میں تبدیلی کے خلاف احتجاجی تحریک کا آغاز 20 فروری کو صوابی سے کیا جائے گا۔

ایمل ولی خان کا کہنا تھا کہ احتجاج میں مرکزی وصوبائی رہنما و کارکنان بڑی تعداد میں شریک ہوں گے۔

انہوں نے کہا کہ 23 فروری کو چارسدہ میں بھی پر امن احتجاجی مظاہرہ کیا جائے گا۔

عوامی نیشنل پارٹی کے صوبائی صدر ایمل ولی خان نے مزید کہا کہ آپ حکومتیں بنائیں اور ہٹائیں، ہم اپنے حقوق کے لیے لڑتے رہیں گے۔