سیکیورٹی فورسز کی خیبر پختونخواہ میں  2 کارروائیوں میں 9 دہشت گرد جہنم واصل ہو گئے ہیں۔

پاک فوج کے شعبہ تعلقات عامہ کے مطابق ٹانک میں فورسز نے انٹیلی جنس بیسڈ آپریشن کرتے ہوئے 2 انتہائی مطلوب دہشتگردوں کو ہلاک کر دیا۔

دونوں دہشت گردوں کی شناخت رحمت اللہ عرف بدر منصور اور امجد عرف بابری کے نام سے ہوئی۔

جنوبی وزیرستان میں آپریشن کے فائرنگ کےتبادلےمیں سیکیورٹی فورسز نے 7 دہشت گردوں کو جہنم واصل کر دیا۔

آئی ایس پی آر کے مطابق ہلاک دہشتگردوں سے ہتھیار اور دھماکا خیز مواد برآمد ہوا۔

ہلاک ہونے والے دہشتگرد سیکیورٹی فورسز اور شہریوں کے قتل میں ملوث تھے۔

آپریشن میں 29 سالہ سپاہی شاہزیب اسلم بہادری سے لڑتے ہوئےشہید ہوئے، سپاہی شاہزیب اسلم کا تعلق ضلع ہری پور سے تھا۔

آئی ایس پی آر کے مطابق سیکیورٹی فورسز دہشتگردی کی لعنت کے خاتمے کے لیے پرعزم ہیں اور بہادرجوانوں کی قربانیاں ہمارے عزم کو تقویت دیتی ہیں۔