قومی ٹیم کے سابق آل راؤنڈر عماد وسیم نے ریٹائرمنٹ واپس لینے کے لیے شرط رکھی دی۔

پاکستان کرکٹ ٹیم کے سابق مایہ ناز آل راؤنڈر عماد وسیم نے بین الاقوامی کرکٹ سے ریٹائرمنٹ کا فیصلہ واپس لینے کا اشارہ دے دیا ہے۔

عماد وسیم نے ایک بیان میں کہا کہ اگر ٹیم انتظامیہ ٹیم میں میرے رول سے متعلق وضاحت کردے تو میں آگے بڑھ کر اپنا فیصلہ واپس لینے کو تیار ہوں تاہم بین الاقوامی کرکٹ سے ریٹائرمنٹ کا فیصلہ درست تھا۔

خیال رہے کہ عماد وسیم نے نومبر 2023 میں ریٹائرمنٹ کا اعلان کیا تھا جب کہ انہوں نے پاکستان کی نمائندگی کرتے ہوئے 55 ون ڈے اور 66 ٹی ٹوئنٹی انٹرنیشنل میچز کھیلے ہیں۔

عماد وسیم نے ون ڈے میں 44 اور ٹی ٹوئنٹی انٹرنیشنل میں 65 وکٹیں بھی حاصل کی ہیں جب کہ دونوں فارمیٹ میں مجموعی طور پر 1400 سے زائد رنز اسکور کیے ہیں۔