پاکستان سپر لیگ کے نویں ایڈیشن میں آج اسلام آباد یونائیٹڈ کا مقابلہ ناقابل شکست کوئٹہ گلیڈی ایٹرز سے ہوگا۔

تفصیلات کے مطابق پاکستان سپر لیگ کے نویں ایڈیشن کے آٹھویں میچ میں ایونٹ میں اب تک ناقابل شکست  کوئٹہ گلیڈی ایٹرزکو اسلام آباد یونائیٹڈ کا چیلنج درپیش ہوگا۔

دونوں ٹیمیں رواں ایونٹ میں اب تک دو دو میچز کھیل چکی ہیں۔

کوئٹہ گلیڈی ایٹرز لاہور قلندرز اور پشاور زلمی کو شکست دے کر اب تک ناقابل شکست ہے جبکہ اسلام آباد ہونائیٹڈ کو لاہور قلندرز کے خلاف فتح اور ملتان سلطانز کے ہاتھوں شکست ہوئی۔

دونوں ٹیموں کے مابین کھیلے گئے آخری پانچ میچز میں سے چار میں اسلام آباد اور ایک میں کوئٹہ کو فتح حاصل ہوئی۔