نگراں صوبائی وزیر جان اچکزئی نے کہا ہے کہ آخری دہشت گردکے خاتمےتک جنگ جاری رہے گی، عام انتخابات ہر صورت ہوں گے۔

نگراں صوبائی وزیراطلاعات بلوچستان جان اچکزئی نے کوئٹہ میں میڈیا سے گفتگو کرتے ہوئے کہا ہے کہ دہشتگردوں کی کوشش ہے الیکشن پراثر انداز ہوں، کل الیکشن ہو کررہیں گے۔

نگراں وزیراطلاعات بلوچستان نے کہا کہ سیکیورٹی فورسزکی جہاں بھی ضرورت ہو تعینات کریں گے، کل پرامن ماحول کویقینی بنائیں گے تاکہ دہشتگردوں کےعزائم خاک میں ملائیں۔

جان اچکزئی نے کہا کہ آخری دہشتگردکےخاتمےتک جنگ جاری رہے گی، عام انتخابات ہر صورت ہوں گے، کل الیکشن پر امن طریقے سے ہونگے، ووٹرزاپنا حق رائے دہی استعمال کریں گے۔

نگراں صوبائی وزیراطلاعات بلوچستان نے کہا کہ دہشتگردوں کے مذموم مقاصد کو خاک میں ملادیں گے۔

اس سے قبل نگران وزیراعظم انوارالحق کاکڑ نے ضلع پشین کےعلاقے خانوزئی اور قلعہ سیف اللہ میں دھماکوں کی شدید الفاظ میں مذمت کی ہے اورزخمیوں کو فوری طبی امداد فراہم کرنے کی ہدایات جاری کرتے ہوئے چیف سیکرٹری بلوچستان سے واقعات کی رپورٹ طلب کر لی۔

واضح رہے کہ بلوچستان میں ایک گھنٹے کے دوران دو بڑے دھماکے ہوئے جس میں بیس سے زاید افراد جاں بحق متعدد زخمی ہوگئے۔