ایڈم زیمپا  ٹی ٹوئنٹی انٹرنیشنل میچ میں آسٹریلیا کے مہنگے ترین بولر بن گئے۔

تفصیلات کے مطابق پرتھ میں ویسٹ انڈیز کے خلاف جاری تیسرے ٹی ٹوئنٹی میچ میں لیگ اسپنر ایڈم زیمپا نے 4 اوورز میں 65 رنز دے ڈالے اور ایک وکٹ حاصل کی۔

یہ ٹی ٹوئنٹی انٹرنیشنل میچ میں کسی بھی آسٹریلوی  بولر کی جانب سے دیے جانے والے سب سے زیادہ رنز  ہیں۔

اس سے قبل یہ منفی ریکارڈ اینڈریو ٹائی اور آرون ہارڈی کے پاس تھا ۔دونوں نے بالترتیب نیوزی لینڈ اور بھارت کے خلاف میچز میں اپنے مقررہ 4 اوورز میں 64،64 رنز دیے تھے۔

مچل اسٹارک بھی نیوزی لینڈ کے خلاف 4 اوورز میں 60 رنز دے چکے ہیں۔

تاہم ایڈم زیمپا پہلے آسٹریلوی اسپنر ہیں جن کے خلاف ٹی ٹوئنٹی میچ میں 50 یا اس زائد رنز بنے ہیں۔