مسلم لیگ ن کے قائد نواز شریف نے وزیراعظم کیلئے شہباز شریف جبکہ وزیراعلیٰ پنجاب کیلئے مریم نواز کو نامزد کر دیا ہے۔

تفصیلات کے مطابق مریم اورنگزیب نے اپنے ایک بیان میں کہا کہ نواز شریف نے مجھے فیصلے کا اعلان کرنے کا کہا، نواز شریف نے وزیراعظم کے لیے شہباز شریف کو نامزد کر دیا، نواز شریف نے وزیراعلیٰ پنجاب کے لیےمریم نواز کو نامزد کر دیا، چوہدری شجاعت کی رہائش گاہ پر اتحادیوں نے شہباز شریف کو نامزد کیا، قائد نے سیاسی قائدین کی پریس کانفرنس دیکھی۔

مریم اورنگزیب نے کہا کہ نواز شریف نے پریس کانفرنس دیکھنے کے بعد مجھے کہا کہ اعلان کر دوں، نواز شریف سمجھتے ہیں وہ پیچھے رہ کر شہباز اور مریم کی معاونت کر سکتے ہیں، پارٹی میں مشاورت ہوئی تھی مگر یہ نواز شریف کا فیصلہ ہے، شہباز شریف نے کہا وہ نواز شریف سے درخواست کریں گے کہ وہ وزیراعظم بنیں۔