پنجاب کابینہ نے صوبے میں تھری ایم پی او کے نفاذ میں 3 ماہ کی توسیع کی تجویز مسترد کر دی ہے۔

تفصیلات کے مطابق ترجمان حکومت پنجاب عامر میر نے خبر کی تصدیق کرتے ہوئے اپنے بیان میں کہا کہ 8 فروری کو غیر جانبدارانہ اور آزادانہ الیکشن کے انعقاد کو یقینی بنایا جائے گا، تھری ایم پی او کا نفاذ سیاسی جماعتوں اور انکے امیدواروں کی الیکشن مہم میں رخنہ ڈالنے کا سبب بن سکتا ہے، الیکشن میں لیول پلئینگ فیلڈ کی فراہمی نگران حکومت کا فرض ہے۔

عامر میر نے کہا کہ اسی لیے تھری ایم پی او کے نفاذ کی تجویز مسترد کر دی گئی، تھری ایم پی او کے نفاذ کی تجویز کو کابینہ نے اتفاق رائے سے مسترد کیا۔