اقتصادی رابطہ کمیٹی کے اجلاس میں وزارت ہوابازی کیلئے 50 کروڑ روپے کی تکنیکی ضمنی گرانٹ منظور ہو گئی۔

تفصیلات کے مطابق نگران وزیر خزانہ ڈاکٹر شمشاد اختر کی زیر صدارت اقتصادی رابطہ کمیٹی کا اجلاس ہوا جس میں وزارت ہوا بازی کیلئے 50 کروڑ روپے کی تکنیکی ضمنی گرانٹ، کابینہ ڈویژن کیلئے 3 کروڑ 88 لاکھ روپے سے زیادہ کی گرانٹ، خیبرپختونخوا میں سیلاب سے تباہ سڑکوں کی بحالی کیلئے فنڈز کی منظوری، لاہور کی تین یونین کونسلز میں صاف پانی کی فراہمی کیلئے بھی فنڈز منظور کر لیے گئے۔

اجلاس میں رواں مالی سال کیلئے سرورز کی خریداری اور کنسلٹنس کی خدمات کیلئے ڈیڑھ ارب روپے سے زیادہ کی گرانٹ منظور، وفاقی وزارت تعلیم کیلئے 7 ارب 15 کروڑ روپے کی تکنیکی ضمنی گرانٹ منظور، وزارت ہاؤسنگ کے مختلف منصوبوں کیلئے 37 کروڑ روپے سے زیادہ کی ضمنی گرانٹس منظور، گلگت بلتستان کیلئے گندم کی قیمت کی تعین جبکہ گندم سبسڈی پر وزارت خزانہ اور امور کشمیر کو ہدایات بھی جاری کی گئیں۔