ملک بھر میں عام انتخابات 2024 کے نتائج آنے کا سلسلہ جاری ہے۔

تفصیلات کے مطابق  بلوچستان اسمبلی کی نشستوں پر سامنے آنے والے نتائج  میں پاکستان پیپلز پارٹی  کو اکثریت حاصل ہے۔

الیکشن کمیشن کو بلوچستان اسمبلی کے 48 حلقوں کے نتائج موصول ہوگئے ہیں جبکہ تین حلقوں کے نتائج آنا ابھی باقی ہیں۔

پیپلز پارٹی 11 نشستوں کے ساتھ پہلے اورمسلم لیگ ن 9 نشستوں کے ساتھ دوسرے نمبر پر ہے۔

بلوچستان اسمبلی کی 6 نشستوں پر آزاد امیدوار کامیابی حاصل کرسکے جبکہ 4 نشستیں بلوچستان عوامی پارٹی، 3 نشستیں نیشنل پارٹی، 2  نشستیں عوامی نیشنل پارٹی  نے حاصل کیں۔

اس کے علاوہ بلوچستان نیشنل  پارٹی، جماعت اسلامی اور بلوچستان نیشنل پارٹی عوامی نے ایک ایک نشست حاصل کی۔