پیپلز پارٹی اور مسلم لیگ ن کے درمیان سیاسی تعاون پر اتفاق ہو گیا۔

تفصیلات کے مطابق پیپلز پارٹی کے صدر آصف زرداری، چیئرمین پی پی بلاول بھٹو اور صدر مسلم لیگ ن شہباز شریف کی بلاول ہاؤس میں اہم ملاقات ہوئی جس میں حکومت سازی پر بات چیت ہوئی۔

ملاقات میں ملک کی مجموعی صورتحال اور مستقبل میں سیاسی تعاون پر تفصیلی بات چیت ہوئی۔

اس دوران دونوں جماعتوں کے قائدین نے ملک کو سیاسی استحکام سے ہم کنار کرنے کیلئے سیاسی تعاون کرنے پر اتفاق کر لیا۔

دونوں جماعتوں کے قائدین نے اصولی اتفاق کرتے ہوئے کہا کہ سیاسی عدم استحکام سے ملک کو بچائیں گے، مسلم لیگ ن کی تجاویز کو سینٹرل ایگزیکٹو کمیٹی کے اجلاس میں سامنے رکھیں گے، عوام کی اکثریت نے ہمیں مینڈیٹ دیا ہے، ہم عوام کو مایوس نہیں کریں گے۔

مسلم لیگ ن کے وفد میں اعظم نذیر تارڑ، ایاز صادق، احسن اقبال، رانا تنویر، خواجہ سعد رفیق، ملک احمد خان، مریم اورنگزیب اور شزا فاطمہ شامل تھے۔