تحریک انصاف کے کور کمیٹی نے دھاندلی کے خلاف تحریک چلانے کی باضابطہ منظوری دے دی۔

تفصیلات کے مابق تحریک انصاف کی کور کمیٹی نے دھاندلی کے خلاف تحریک چلانے کی باضابطہ منظوری دیتے ہوئے 30 مارچ کو اسلام اباد میں پہلا جلسہ کرنے کا اعلان کر دیا ہے۔

کور کمیٹی کے اعلان کے مطابق تحریک انصاف 21 اپریل کو کراچی میں بڑی ریلی کرے گی۔

کراچی میں ریلی انتخابی دھاندلی کے خلاف کی جائے گی، کراچی میں ریلی میں شرکت کے لیے دیگر ہم خیال جماعتوں کے ساتھ رابطہ کیا جائے گا۔

کور کمیٹی کے اجلاس میں تحریک انصاف نے یوم پاکستان پر تقریب منانے کا فیصلہ کیا ہے، تحریک انصاف کے زیر اہتمام یوم پاکستان پر تقریب خیبر پختون خواہ ہاؤس میں کل ہوگی۔

تقریب میں چیئرمین پی ٹی ائی گوہر خان اور اراکین اسمبلی شرکت کریں گے۔

کور کمیٹی کے اجلاس میں تحریک انصاف کا دھاندلی معاشی معاملات پر حکومت کو ٹف ٹائم دینے کا فیصلہ کیا گیا ہے، اور معیشت ائی ایم ایف کے ساتھ معاملات اور دھاندلی پر پیر کو اہم پریس کانفرنس ہوگی۔

تحریک انصاف کی کور کمیٹی کے فیصلے کے مطابق پریس کانفرنس میں آئی ایم ایف کے ساتھ معاملات پر حقائق سامنے رکھے جائیں گے۔