سندھ لوکل گورنمنٹ بورڈ کے نئے سیکریٹری نے اپنا چارج سنبھال لیا ہے وہ ایک سال میں تیسرے سیکریٹری ہیں جو اس سیٹ پر تعینات ہوئے ہیں۔

تفصیلات کے مطابق ایک سال کے اندر اندر سندھ لوکل گورنمنٹ بورڈ کے دو سیکریٹریز کو ہٹا دیا گیا تیسری نے پوزیشن سنبھال لی ہے۔

 سیکرٹری لوکل گورنمنٹ بورڈ ضمیر عباسی کو پیپلز پارٹی کے سابق دور حکومت میں گیارہ اگست کو ہٹا دیا گیا تھا۔

 ضمیر عباسی کے بعد محبوب سیال کو لوکل گورنمنٹ بورڈ کا سیکرٹری مقرر کیا گیا تھا۔

محبوب سیال کو بھی رواں ماہ کی پہلی تاریخ کو ہٹا دیا گیا تھا جس کے بعد یہ عہدہ خالی تھا۔

وزیر بلدیات سعید غنی نے اپنی پرانی وزارت کے ڈور میں کام کرنے والے ڈپٹی سیکرٹری اسکول ایجوکیشن اینڈ لٹریسی ڈیپارٹمنٹ پیار علی لاکو کا تبادلہ کر کے سیکرٹری لوکل گورنمنٹ بورڈ لگا دیا گیا ہے۔

پیار علی لاکو ایک سال میں تیسرے سیکریٹری ہیں جو سندھ لوکل گورنمنٹ بورڈ کا چارج سنبھالیں گے۔