پاکستان کی تاریخ میں پہلی مرتبہ عوام کا حق عوام کی دہلیز پر، سوا تین کروڑ سے زائد افراد کے لئے 30ارب کا نگہبان رمضان پیکج ہے۔

30لاکھ سے زائد گھرانوں کو ان کی دہلیز پر نگہبان رمضان پیکج مل گئے، 64لاکھ گھرانوں کو نگہبان رمضان پیکج کی ترسیل جلد مکمل کر لی جائے گی۔

پنجاب حکومت کی جانب سے رمضان پیکج کے لئے خصوصی ہیلپ لائن 0800-02345 عوام نگہبان بھی متعارف کرائی گئی ہے جس پر شہری رمضان پیکج کے بارے میں نگہبان ہیلپ لائن پر شکایات درج کرا سکتے ہیں۔

اپنے ایک بیان میں وزیر اعلیٰ پنجاب مریم نواز نے کہا کہ نگہبان رمضان پیکیج میں شفافیت یقینی بنانے کے لئے ہر بیگ پر کیو آر کوڈ پرنٹ اکیا گیا ہے، نگہبان رمضان پیکیج کی ترسیل کے لئے کمپیوٹرائز شناختی کارڈ اور کیو آر کوڈ کے ذریعے شفافیت کو یقینی بنایا گیا ہے۔

مریم نواز شریف نے کہا کہ خدمت کا سفر نئے جذبے کے ساتھ شروع ہوچکا ہے، عوام کو ان کا حق ان کی دہلیز پر پہنچانا ہمارا فرض ہے، کسی پر احسان نہیں، پنجاب کے عوام کو معاشی ریلیف کے لئے تمام ممکنہ اقدام ضرور کریں گے۔

وزیر اعلیٰ پنجاب مریم نواز نے مزید کہا کہ نگہبان رمضان پیکیج پنجاب کی تاریخ کا پہلا اور منفرد پروگرام ہے،64لاکھ افراد کو ان کی دہلیزپر رمضان پیکیج کی ترسیل پاکستان مسلم لیگ(ن) کا منفرد ریکارڈ ہے۔