لاڑکانہ: یوم پاکستان کے موقع پر بڑی تعداد میں قوم پرست رہنما اور کارکنان قومی دھارے میں شامل ہوگئے۔

لاڑکانہ میں کالعدم تنظیم جئے سندھ متحدہ محاذ سمیت قوم پرست جماعت جسقم اور جساف کے 120 سے زائد رہنمائوں اور کارکنان نے پریس کانفرنس کی۔

کالعدم تنظیم کے سابق رہنما صدام انڑ کہتے ہیں کہ کالعدم تنظیمیں ملک دشمن ایجنڈے پر کام کررہیں ہیں اور سندھ کے نوجوانوں کو گمراہ کیا جا رہا ہے۔

صدام انڑ نے کہا کہ کالعدم جماعتوں کی قیادت ملک سے باہر بیٹھ کر ملک دشمن کارروائیوں کا حصہ بن رہی ہے۔

ایک اور سابق رہنما سانول انڑ نے کہا کہ اب ہمارا جینا مرنا پاکستان کے لیے ہوگا جب کہ اب ہمارا کسی کالعدم یا قوم پرست تنظیم سے ہمارا کوئی تعلق نہیں۔

پریس کانفرنس کرنے والوں میں کالعدم تنظیم کے رہنما سانول انڑ، صدام انڑ، گلاب بھٹو۔ عامر کھاوڑ، نظام الدین نندوانی سمیت دیگر شامل تھے۔