اسلام آباد: ای سی ایل کمیٹی کی سربراہی کسی بھی وفاقی وزیر کو نہ دینے کا فیصلہ کیا گیا ہے۔

وفاقی حکومت نے کابینہ کی ای سی ایل کمیٹی کی تشکیل نو کردی ہے جب کہ ای سی ایل کمیٹی کی سربراہی کسی بھی وفاقی وزیر کو نہ دینے کا فیصلہ کیا گیا ہے۔

وزیر اعظم کابینہ کی ای سی ایل کمیٹی کی سربراہی خود کریں گے، وزیر داخلہ کو کابینہ ای سی ایل کمیٹی میں شامل ہی نہیں کیا گیا ہے۔

کمیٹی کے لئے سیکرٹریل سپورٹ وزارت داخلہ دے گی مگر وزیر داخلہ کمیٹی کے رکن نہیں ہیں جب کہ ذرائع کے مطابق نگران حکومت میں وزیر داخلہ ای سی ایل کمیٹی کے سربراہ رہے ہیں۔

کابینہ ڈویژن نے 4 رکنی ای سی ایل کمیٹی کی تشکیل نو کا نوٹیفکیشن جاری کیا ہے جس کے مطابق ای سی ایل کمیٹی میں وزیر قانون، وزیر صنعت و پیداوار اور وزیر انسانی وسائل شامل ہیں۔

نوٹیفکیشن میں کہا گیا ہے کہ وزیر اعظم کی عدم موجودگی میں وزیر قانون کمیٹی کی سربراہی کریں گے، ای سی ایل ذیلی کمیٹی میں ای سی ایل کیسوں کی جانچ پڑتال کی جائے گی۔