موسمیاتی تبدیلیوں پر اقوام متحدہ نے ریڈ الرٹ جاری کر دیا
اقوام متحدہ کے موسمیاتی ادارے نے 2023 میں ریکارڈ گرمی اور برف پگھلنے کے بعد موسمیاتی تبدیلیوں پر ریڈ الرٹ جاری کر دیا۔
تفصیلات کے مطابق اقوام متحدہ کے موسمیاتی ادارے نے گلوبل وارمنگ کے بارے میں ‘ریڈ الرٹ’ جاری کیا ہے، جس میں گزشتہ سال گرین ہاؤس گیسوں، زمین اور پانی کے درجہ حرارت اور گلیشیئرز اور سمندری برف کے پگھلنے میں ریکارڈ اضافے کا حوالہ دیا گیا ہے۔
ورلڈ میٹرولوجیکل آرگنائزیشن نے منگل کو جاری ہونے والی اسٹیٹ آف دی گلوبل کلائمیٹ رپورٹ میں ان خدشات کو بڑھا دیا ہے کہ آب و ہوا کا ہدف تیزی سے خطرے میں پڑ رہا ہے۔
ادارے کے سیکریٹری جنرل سیلسٹے سلوو کا کہنا ہے کہ ‘ہم موسمیاتی تبدیلی سے متعلق پیرس معاہدے کی 1.5 ڈگری سینٹی گریڈ نچلی حد کے اتنے قریب کبھی نہیں گئے۔ ڈبلیو ایم او کمیونٹی دنیا کو ریڈ الرٹ جاری کر رہی ہے۔
یورپی یونین کی کوپرنیکس کلائمیٹ سروس کے مطابق، مارچ 2023 سے فروری 2024 تک 12 ماہ کی مدت اس 1.5 ڈگری کی حد سے آگے بڑھ گئی، جو اوسطا 1.56 سینٹی گریڈ (2.81 فارن ہائیٹ) زیادہ ہے۔
رپورٹ میں کہا گیا ہے کہ کیلنڈر سال 2023 1.48 سینٹی گریڈ (2.66 فارن ہائیٹ) پر 1.5 سینٹی گریڈ سے نیچے تھا، لیکن اس سال کا ریکارڈ گرم آغاز 12 ماہ کی اوسط کے لئے اس سطح سے آگے بڑھ گیا۔
اقوام متحدہ کے سیکریٹری جنرل انتونیو گوتریس نے کہا ہے کہ زمین ایک پریشان کن حالات کی طرف جا رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News