اسرائیل  نے عید کے بعد رفح پر حملوں کی تیاری کرلی۔

بین الاقوامی خبررساں ادارے کے مطابق  اسرائیل نے رمضان کے فوری بعد رفح میں 6 ہفتوں تک حملوں کا منصوبہ بنا لیا۔

رفح میں حملوں کے بعد غزہ سے فلسطینیوں کو بے دخل کیا جائے گا۔

اسرائیل نے رمضان المبارک اور دنیا بھر کے رہنماؤں کی درخواستوں  کے باجود غزہ کے مظلومین پر حملے جاری رکھے ہوئے ہیں۔

اسرائیل نے گزشتہ روز رفح میں کم از کم چار گھروں پر بمباری کی  جس میں ایک ہی خاندان کے 11 افراد کے شہید ہونے کی اطلاع ہے۔

اسرائیل کی رفح میں بمباری سے  سے غزہ کی پٹی کے جنوبی کنارے پر آخری پناہ گاہ میں پناہ لینے والے دس لاکھ سے زائد فلسطینیوں کے درمیان ایک نیا خوف پیدا ہو گیا ہے۔