اسلام آباد: وفاقی کابینہ کا اہم اجلاس وزیراعظم کی زیر صدارت کل ہوگا۔

وفاقی کابینہ کا اہم اجلاس وزیراعظم کی زیر صدارت کل ہوگا جس میں 4 نکاتی ایجنڈے پر غور کیا جائے گا۔

اجلاس میں اسلام آباد ہائی کورٹ ججز کی جانب سے لکھے گئے خط کے معاملے کی تحقیقات کے لئے انکوائری کمیشن کی منظوری متوقع ہے۔

اجلاس میں مالی سال 24-2023 کے وسط مدتی بجٹ جائزہ رپورٹ کا جائزہ لیا جائے گا جب کہ مالی سال 2021-22 کی مشترکہ وفاقی، صوبائی اور ضلعی فنانشل اسٹیٹمنٹ پیش کی جائے گی۔

اجلاس میں پیپرا کی سالانہ رپورٹس کا جائزہ بھی لیا جائے گا جب کہ رومانیہ کے ساتھ مختلف شعبوں میں تعاون کے پروگرام پر دستخط بھی ایجنڈے کا حصہ ہے۔