غزہ میں جاری جنگ کو چین نے انسانیت کے لیے المیہ اور تہذیب کی توہین قرار دے دی۔

غیر ملکی خبر رساں ادارے کے مطابق چینی وزیر خارجہ وانگ یی نے جمعرات کو بیجنگ میں ایک پریس کانفرنس کی جس میں انہوں نے غزہ میں جاری جنگ کو چین نے انسانیت کے لیے المیہ اور تہذیب کی توہین قرار دیا۔

چینی وزیر خارجہ کا کہنا تھا کہ عالمی ادارے اسرائیلی انسانی حقوق کی خلاف ورزیوں کا جائزہ لیں، غزہ میں لوگوں کو پر امن زندگی گزارنے کا حق حاصل ہے۔

انہوں نے کہا کہ بین الاقوامی ماحول میں پیچیدہ انتشار کے باوجود چین امن کی طاقت، استحکام کی قوت اور دنیا میں ترقی کی طاقت کے طور پر قائم ہے۔

چینی وزیر خارجہ نے بتایا کہ نئے مواقع ہمارے سامنے ہیں جب کہ ماسکو اور بیجنگ کے قریبی اسٹریجک تعلقات ہیں۔

وانگ یی کہتے ہیں کہ بڑے ممالک کو تصادم کی کوشش نہیں کرنی چاہیے اور سرد جنگ کو واپس نہیں آنے دینا چاہیے، چین نے یوکرین جنگ میں خود کو ایک غیر جانبدار فریق کے طور پر پیش کیا۔