اسلام آباد: پاکستان کرکٹ بورڈ (پی سی بی) بابر اعظم کو کپتان بنانے کے لئے تیار ہوگیا۔

ذرائع کے مطابق پاکستان کرکٹ ٹیم کے نئے کپتان کا فیصلہ ہوگیا ہے جب کہ پی سی بی نے بابر اعظم کو کپتان بنانے کا فیصلہ کرلیا ہے۔

ذرائع کا کہنا ہے کہ سلیکشن کمیٹی نے بھی بابر اعظم کو کپتان بنانے کی سفارش کی تھی، چیئرمین پی سی بی باقاعدہ اعلان کاکول میں جاری فٹنس کیمپ ختم ہونے کے بعد کریں گیں۔

دوسری جانب ذرائع نے یہ بھی بتایا کہ بابر اعظم کاکول میں جاری ٹریننگ سیشن کو بطور کپتان بھی جوائن کرسکتے ہیں جب کہ وہ نیوزی لینڈ کے خلاف 5 ٹی 20 میچوں کی سیریز میں قیادت سنبھالیں گے۔

خیال رہے کہ بابر اعظم پہلے بھی چار سال تک پاکستان کرکٹ ٹیم کی تینوں طرز میں کپتانی کرچکے ہیں، ان کی قیادت میں پاکستان نے 71 ٹی ٹوئنٹی میں سے 42 جیتے اور 23 ہارے ہیں۔