پشاور زلمی کے کوچ ڈیرن سیمی کا کہنا ہے کہ پشاور زلمی کے لیے میرا پیار سب سے الگ ہے۔

کراچی میں میڈیا سے گفتگو کرتے ہوئے پشاور زلمی کے کوچ ڈیرن سیمی کا کہنا تھا کہ پشاور زلمی کے لیے میرا پیار الگ ہے، انہوں نے کہا کہ پشاور زلمی نویں مرتبہ پلے آف میں پہنچی ہے۔

ڈیرن سیمی کا کہنا تھا کہ مستقل مزاجی کا کریڈٹ پلیئرز کو جاتا ہے، ہم نے پہلے سال سے ہی نوجوانوں پر بھروسہ کیا ہے۔

انہوں نے کہا کہ بابر اعظم کی وجہ سے ٹیم میں تجربہ آیا ہے، زلمی کے لیے میرا پیار الگ ہے اور کوچنگ میں پوری جان لگاتا ہوں۔

پشاور زلمی کے کوچ نے کہا کہ میں یہاں پشاور کی نمائندگی کررہا ہوں پاکستان کی کوچنگ کے بارے میں کچھ نہیں کہوں گا۔

بابر اعظم ایک سپر سٹار ہے، وہ ہمیشہ سیکھنے کی کوشش کرتا ہے۔

پشاور زلمی کے کوچ ڈیرن سیمی کا مزید کہنا تھا کہ ہمیں انتظار ہے کہ پشاور میں میچز ہوں، ایک دن آئے گا جب ہم پشاور میں کھیلیں گے اور ان کا استقبال دیکھیں گے۔