ماسکو حملے کے دوران 100 سے زیادہ افراد کو بچانے  والے مسلم لڑکے کو ایوارڈ سے نواز دیا گیا۔

بین الاقوامی خبر رساں ادارے کے مطابق  دارالحکومت ماسکو کے قریب ایک کانسرٹ ہال پر ہونے والے حملے کے دوران 100 سے زائد افراد کی جان بچانے والے ایک 15 سالہ مسلم لڑکے کو ایوارڈ سے نوازا گیا ہے۔

بچوں کے حقوق کے لیے کام کرنے والی روسی خاتون ماریا لوووا بلووا اس اسکول میں پہنچیں جہاں اسلام خلیل اوف پڑھتا ہے۔

ماریا لوووا بلووا نے بتایا کہ اس ہونہار لڑکے کو اس کی ہمت اور ذاتی بہادری کے لیے ایوارڈ دیا گیا ہے۔

واضح رہے کہ چند روز قبل روسی دارالحکومت ماسکو کے ایک کانسرٹ ہال میں حملے سے 143 افراد ہلاک ہوگئے تھے۔