پشاورہائی کورٹ نےخیبرپختون خوا کی مخصوص نشستوں پرمنتخب ممبران سےحلف نہ لینےکےکیس کا فیصلہ سنادیا۔

پشاور ہائیکورٹ نے کےپی اسمبلی میں مخصوص نشستوں پرمنتخب ممبران سےحلف نہ لینےکے کیس میں درخواستیں منظورکرلیں۔

عدالت نے ن لیگ، پیپلزپارٹی اورجےیوآئی کی درخواستیں منظورکرتے ہوئے کہا کہ مختصرتحریری فیصلہ کچھ دیرمیں جاری کیاجائےگا۔

جسٹس عتیق شاہ کی سربراہی میں دو رکنی بینچ نے سماعت کی۔ جسٹس شکیل احمد بینچ میں تھے۔

وکیل اسپیکرصوبائی اسمبلی اوروکیل اپوزیشن نے دلائل دیے۔ ایڈووکیٹ جنرل خیبرپختونخوا شاہ فیصل اتمانخیل عدالتی معاونت کے لیے پیش ہوئے۔

پشاور ہائی کورٹ نے فریقین کے دلائل مکمل ہونے پرفیصلہ محفوظ کیا۔

مختصرتحریری فیصلے میں عدالت نے کہا کہ حلف لینے کے بعد ممبران سے ان رول رجسٹرڈ پر دستخط لیے جائیں۔ اسپیکرصوبائی اسمبلی آئینی ذمہ داری پورا کریں۔ آئندہ اجلاس میں ایجنڈا نمبر 1 پر ممبران کی حلف کو رکھا جائے۔ درخواست گزاروں کو 2 اپریل کو ہونے والے انتخابات میں ووٹ ڈالنے کے ساتھ ان کو سہولت دی جائے۔