ملک بھر میں  آج یومِ پاکستان بھرپور ملی جوش و جذبے سے منایا جا رہا ہے۔

یوم پاکستان کے دن کا آغاز وفاقی دارالحکومت میں 31 جبکہ صوبائی دارالحکومتوں میں 21 ،21 توپوں کی سلامی سے ہوا۔

یوم پاکستان کی مرکزی  تقریب شکر پڑیاں پریڈ گراؤنڈ میں جاری ہے جہاں مسلح افواج  کی پریڈ جاری ہے ۔

اس موقع پر صدر پاکستان آصف علی زرداری، وزیراعظم شہباز شریف اور مسلح افواج کے سربراہان بھی  موجود ہیں۔

یوم پاکستان پریڈ میں جنگی ہتھیاروں کی نمائش کے ساتھ ساتھ  پاکستان ایئرفورس کے جدید ترین طیارے فلائی پاسٹ کا مظاہرہ اور فوجی دستے سلامی پیش کریں گے۔

مہمان خصوصی سعودی وزیر دفاع شہزادہ خالد بن عبدالعزیز سمیت دیگر کئی اعلیٰ شخصیات یوم پاکستان پریڈ  میں شریک ہیں۔

خیال رہے کہ    1940 میں آج کے دن تاریخی قرارداد لاہور کو اپنانے کی علامت ہے جس نے جنوبی ایشیا کے مسلمانوں کے لیے ایک علیحدہ وطن کے مقصد کے حصول کے لیے ایک فریم ورک فراہم کیا تھا۔