مکہ مکرمہ میں تیز رفتار گاڑی ڈرائیور کے قابو سے باہر ہو کر مسجد کے باہر  لگے افطار دستر خوان پر بیٹھے افراد پر چڑھ گئی جس سے ایک شخص جاں بحق ہوگیا۔

عرب میڈیا  کی رپورٹ کے مطابق یہ حادثہ مغرب کی اذان سے چند لمحوں قبل پیش آیا جب افطار  کے لیے مسجد کے باہر دستر خوان پر لوگ بیٹھے  ہوئے تھے۔

واقعے میں ایک شخص جاں بحق  ہوا جبکہ 21 افراد زخمی ہوگئے۔

حادثے کی اطلاع ملتے ہی شہری دفاع اور ہلال احمر کے امدادی رضاکار جائے وقوعہ پر پہنچے اور فوری طورپر زخمیوں کو طبی امداد فراہم کی گئی جبکہ  شدید زخمیوں کو ایمبولینسز  کے ذریعے اسپتال منتقل کیا گیا۔

متعلقہ ادارے حادثے سے متعلق مزید تحقیقات کر رہے ہیں۔