کیلی فورنیا میں ماسک پہنے ہوئے افراد کی فائرنگ سے 4 افراد ہلاک ہوگئے۔

بین الاقوامی خبررساں ادارے کے مطابق  کیلی فورنیا میں ایک پارٹی کے باہر  گہرے رنگ کے ماسک میں ملبوس افراد نے فائرنگ کر دی جس سے  4  افراد ہلاک اور 3 زخمی ہوگئے۔

پولیس نے بتایا کہ چار افراد اس وقت مارے گئے جب مسلح افراد کے ایک گروپ نے کیلی فورنیا کے کنگ سٹی میں ایک گھر میں پارٹی کے باہر فائرنگ کی۔

پولیس نے بتایا کہ تین آدمی گاڑی سے باہر نکلے اور  سامنے صحن میں پارٹی میں جانے والوں پر کئی گولیاں چلائیں۔بعد ازاں مشتبہ افراد اپنی گاڑی میں واپس بیٹھ کر جائے وقوعہ سے فرار ہو گئے۔

پولیس نے بتایا کہ مشتبہ افراد نے گہرے رنگ کے کپڑے پہنے ہوئے تھے اور ان کے سروں پر گہرے رنگ کے ماسک تھے جس کی وجہ سے ان کی شناخت نہیں  ہوسکی ۔

پولیس کے  بیان کے مطابق شام 6 بجے کے قریب پولیس کو جائے وقوعہ پر روانہ کیا گیا ۔

پولیس نے بتایا کہ تین مردوں کو گھر کے باہر مردہ قرار دیا گیا تھا اور ایک خاتون کو می میموریل اسپتال منتقل کیا گیا تھا جہاں بعد میں اس کی موت ہو گئی۔

پولیس نے بتایا کہ تین دیگر مردوں کو طبی علاج کے لیے سیلیناس کے نیٹیویڈاد اسپتال منتقل کیا گیا۔