سینیٹ کے انتخابات کے لیے سندھ کے امیدواروں کے کاغذات نامزدگی کی جانچ پڑتال مکمل ہو گئی ہے۔

تفصیلات کے مطابق سندھ کی 12 نشستوں کے لیے کاغذات نامزدگی کی جانچ پڑتال مکمل ہو گئی ہیں۔ سندھ کی 7 جنرل نشستوں پر 20 امیدواروں کے کاغذات درست قرار پائے ہیں۔

ایم کیوایم کےامیدوارنجیب ہارون کےکاغذات نامزدگی مسترد ہو گئے ہیں، جبکہ جنرل نشستوں پرایم کیوایم کے ابوبکر اور رؤف صدیقی کے کاغذات درست قرار دے دیئے گئے ہیں۔

رہنما ایم کیو ایم شبیر قائمخانی اور عامرچشتی کے کاغذات نامزدگی درست قرار دیئے گئے ہیں۔

جنرل نشستوں پرایم کیو ایم کے ہمایوں عثمان راجپوت کے کاغذات بھی درست قرار پائے ہیں۔

جنرل نشستوں پر ایم کیو ایم کے شہبازظہیر کے کاغذات نامزدگی درست قرار پائے ہیں۔

جنرل نشستوں پر نگہت شکیل مرزا کے کاغذات نامزدگی درست قرار دیئے گئے ہیں۔

پی پی کے اشرف جتوئی، مسروراحسن، کاظم شاہ اور سرفراز راجڑ کے کاغذات درست قرار پائے ہیں۔

جنرل نشستوں پر پی پی کے ندیم بھٹو، جاوید نایاب لغاری، دوست علی جیسر، گھنوراسران اور عاجز دھامراکےکاغذات نامزدگی درست قرار دیئے گئے ہیں۔

آزاد امیدواروں میں فیصل واوڈا اور وہاب بلوچ کے کاغذات نامزدگی بھی درست قرار دیئے گئے ہیں۔

بیرسٹرعلی طاہر اور راجہ جاکھرانی کے کاغذات نامزدگی درست قرار پائے گئے ہیں۔

ٹیکنوکریٹ کی نشستوں کے لیے پی پی کے بیرسٹر ضمیر گھمرو، کریم خواجہ اور سرمدعلی کے کاغذات نامزدگی درست قرار دیئے گئے ہیں۔

ٹیکنوکریٹ کی نشستوں کے لیے آزاد امیدوار وہاب بلوچ اور منظوربھٹہ کے بھی کاغذات درست قرار پائے۔

خواتین کی مخصوص نشستوں کےلئے پی پی کی قرت العین مری، روبینہ قائم خانی اورمسرت نیازی کے کاغذات نامزدگی درست قرار پائے۔

خواتین کی مخصوص نشستوں پر ایم کیوایم کی یاسمین دادا بائی کے کاغذات درست پائے۔

خواتین کی مخصوص نشستوں کےلیےآزاد امیدوار مہ جبین ریاض کے کاغذات درست قرار پائے۔

اقلیتی نشست پر پی پی کے پونجومل بھیل اورسریندرو لاسائی کے کاغذات درست قرار پائے۔

اقلیتی نشست کے لیے آزاد امیدوار بھگوان داس بھیل کے کاغذات نامزدگی درست قرار پائے۔