پاک بحریہ نے اطلاع ملنے پر سمندر سے بھاری مقدار میں غیر قانونی شراب ضبط کر لی ہے۔

پاک فوج کے شعبہ تعلقات عامہ کے مطابق پاک بحریہ نے سمندر میں مشترکہ آپریشن میں بھاری مقدار میں شراب ضبط کر لی ہے جسے کسٹمز کے حوالے کر دیا گیا ہے۔

آئی ایس پی آر کے ترجمان کے مطابق اس مشترکہ آپریشن میں پاک بحریہ، میری ٹائم سیکیورٹی ایجنسی اور کسٹمز شامل تھے۔

میری ٹائم انفارمیشن اینڈ کوآرڈی نیشن سینٹرکی اطلاع پر آپریشن کیا گیا، آپریشن 146 ملین روپے مالیت کی 4 ہزار سے زائد شراب کی بوتلیں ضبط کی گئیں۔

آئی ایس پی آر کے ترجمان کا مزید کہنا تھا پاک بحریہ غیرقانونی سرگرمی کی روک تھام کے لیے ہمہ وقت تیار ہے۔