سیکیورٹی فورسزاور دہشتگردوں کے درمیان فائرنگ کے تبادلے میں انتہائی مطلوب دہشت گردکمانڈرسہرا عرف جانان مارا گیا۔

پاک فوج کے شعبہ برائے تعلقاتِ عامہ آئی ایس پی آرکے مطابق سیکیورٹی فورسزنے شمالی وزیرستان میں دہشت گردوں کی موجودگی کی اطلاع پرانٹیلی جنس بیسڈ آپریشن کیا۔

آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، سیکیورٹی فورسز کی کارروائی میں 8 دہشت گرد مارے گئے۔

آئی ایس پی آرکے مطابق مارے جانے والے دہشت گردوں میں انتہائی مطلوب دہشت گرد کمانڈر سہرا عرف جانان بھی شامل تھا۔ سیکیورٹی فورسز نے 17 اور18 مارچ کی درمیانی شب کوآپریشن کیا۔ دہشت گرد کمانڈر سہرا عرف جانان 16 مارچ کو میرعلی میں سیکیورٹی فورسز کی چوکی پر حملے میں بھی ملوث تھا۔ دہشت گرد کمانڈر قانون نافذ کرنے والے اداروں کو انتہائی مطلوب تھا۔

آئی ایس پی آر کے مطابق علاقے سے دہشت گردوں کا خاتمہ یقینی بنانے کے لئے سینیٹائزیشن آپریشن جاری ہے، پاکستان کی سیکیورٹی فورسز دہشت گردی کے خاتمے کیلئے پرعزم ہیں۔