اسکاٹ لینڈ سے تعلق رکھنے والی خاتون ایتھیلیٹ جیسمین پیرس نے الٹرا میراتھن جیت کر نئی تاریخ رقم کر دی۔

تفصیلات کے مطابق اسکاٹ لینڈ کی خاتون ایتھلیٹ جیسمین پیرس نے دنیا کی سب سے مشکل الٹرا میراتھن مکمل کرنے والی پہلی خاتون بن کر نئی تاریخ رقم کردی ہے۔

مڈلوتھیان سے تعلق رکھنے والی جیسمین پیرس نے ٹینیسی میں بارکلے میراتھن کو 60 گھنٹے کے وقفے کے بعد صرف ایک منٹ 39 سیکنڈ میں مکمل کیا۔

ریس کے اختتام پر جیسمین پیرس اتنی تھکی ہوئی تھیں کہ ریس مکمل کرنے کے بعد زمین پر گر گئیں۔

فروزن ہیڈ اسٹیٹ پارک میں ہونے والی یہ ریس ہر سال تبدیل ہوتی ہے لیکن ایتھلیٹ کو 100 میل کا فاصلہ طے کرنا ہوتا ہے جس میں 60 ہزار فٹ کی بلندی شامل ہے جو ماؤنٹ ایورسٹ کو دو بار سر کرنے کے برابر ہے۔

اس ریس کی 38 سالہ تاریخ کے دوران صرف 20 افراد مقررہ 60 گھنٹوں کے اندر ریس کے اختتام تک پہنچ سکے ہیں۔ اس سے قبل کوئی خاتون ایتھیلیٹ ریس میں کامیابی حاصل نہیں کر پائی تھی۔