پاکستان مسلم لیگ اور پاکستان پیپلز پارٹی کی رابطہ کمیٹی نے نگراں حکومت کے حوالے سے بڑا فیصلہ کر لیا ہے۔

ذرائع کے مطابق ن لیگ اور پیپلز پارٹی کی رابطہ کمیٹی نے نگراں سیٹ اپ کو ختم کرنے کی تجویز پر اتفاق کیا ہے اور دونوں جماعتوں کے درمیان نگراں حکومت کا تصور ختم کرنے اتفاق ہو گیا ہے۔

اس حوالے سے انتخابی اصلاحات کے لیے قانون کا مسودہ تیار کیا جائے گا۔

ذرائع کے مطابق انتخابی عمل میں نگراں حکومت کی ناکامی کے حوالے سے قانون سازی کی تیاریاں شروع کر دی گئیں ہیں، جس کے مطابق مدت پوری کرنےوالی حکومت کا سربراہ عام انتخابات تک ذمہ داریاں انجام دے گا۔

عام انتخابات بھی بھارت اور بنگلادیش کی طرزپر وزیراعظم کی زیرنگرانی ہوں گے۔

کابینہ تحلیل ہوجائےگی لیکن وزیراعظم کام جاری رکھیں گے،ذرائع کے مطابق اللیکشن عمل کو سادہ اورآسان بنانے کے لیے بھی سفارشات مرتب کی جائیں گی۔

ن لیگ اور پیپلز پارٹی کی رابطہ کمیٹی مجوزہ اصلاحات پر دیگر جماعتوں کو بھی اعتماد میں لیں گی۔