فیصل آباد میں پتنگ ساز فیکٹریوں اور پتنگ فروشوں کیخلاف سخت کریک ڈاؤن جاری ہے۔

اپنے ایک بیان میں سی پی او محمد علی ضیاء نے کہا کہ  12گھنٹوں میں 11 مقدمات درج،6 مینوفیکچررز و دکانداروں سمیت11 افراد گرفتار کئے جبکہ تین ماہ سے جاری کیمپیئن میں مجموعی طور پر 2613مقدمات درج کر کے2773 ملزمان کو گرفتار کیا جا چکا ہے۔

انہوں نے کہا کہ پولیس نے142048 پتنگیں، 6590 کے قریب ڈور چرخیاں ضبط کیں، گرفتار افراد میں 11 بڑے مینوفیکچررز، 829 دکاندارسمیت 1794افراد کو گرفتار کیا گیا۔

سی پی او محمد علی ضیاء نے مزید کہا کہ پتنگ بازی کیخلاف آگاہی واک اور اسکول کالجز میں آگاہی کیلئے سیمینارز کیے گئے، ٹرانسپورٹرز اور شہر کی بلند بلڈنگز کے مالکان سے شورٹی بانڈز لیے گئے، پتنگ بازی ایک خونی کھیل ہے  ہرگز اجازت نہیں دی جائے گی۔