سرفراز بگٹی وزیر اعلیٰ بلوچستان منتخب ہوگئے۔

تفصیلات کے مطابق اسپیکر بلوچستان اسمبلی عبدالخالق اچکزئی کی زیر صدارت صوبائی اسمبلی کا اجلاس  ہوا جس میں وزیر اعلیٰ کا انتخاب کیا گیا۔

میر سرفراز بگٹی 41 ووٹ  حاصل کرکے وزیراعلیٰ بلوچستان منتخب ہوئے۔

واضح رہے کہ پاکستان پیپلزپارٹی کے نامزد امیدوار میر سرفراز بگٹی گزشتہ روز بلا مقابلہ وزیر اعلیٰ بلوچستان منتخب ہو گئے تھے۔

اسپیکر بلوچستان اسمبلی عبدالخالق اچکزئی نے صحافیوں سے بات چیت کرتے ہوئے بتایا تھا کہ وزیراعلیٰ بلوچستان کے انتخاب کے لیے جمعہ کو 9 بجے سے شام 5 بجے تک کاغذاتِ نامزدگی جمع کرائے جانے تھے۔

انہوں نے کہا کہ مقررہ وقت تک پاکستان پیپلزپارٹی کے رکن اسمبلی میر سرفراز بگٹی کے سوا کسی بھی دوسرے امیدوار نے کاغذات جمع نہیں کرائے۔

عبدالخالق اچکزئی کا کہنا تھا کہ کاغذات کی جانچ پڑتال کے بعد میر سرفراز بگٹی کے کاغذات درست قرار دیے گئے اور اس طرح میر سرفراز بگٹی بلامقابلہ بلوچستان کے بلامقابلہ و زیر اعلیٰ منتخب ہو گئے تھے۔

وزیر اعلیٰ بلوچستان کے باقاعدہ انتخاب کے لیے بلوچستان اسمبلی کا اجلاس آج صبح مقرر کیا گیا تھا۔