ذرائع وزارت خزانہ کے مطابق آئندہ مالی سال کیلئے توانائی کےشعبے کو 6 سو ارب روپے سے زائد سبسڈی کا تخمینہ لگایا گیا۔

ذرائع کا کہنا ہے کہ رواں مالی سال کی نسبت آئندہ مالی سال توانائی شعبے کی سبسڈی میں 375 کٹوتی کا تخمینہ ہے، نئے قرض کیلئے آئی ایم ایف شرط پر توانائی شعبے کیلئے سبسڈی کو کم کیا جا رہا ہے۔

ذرائع وزارت خزانہ نے بتایا کہ وزارت توانائی کی سمری کےمطابق آئندہ مالی سال کے دوران سبسڈی نہیں فراہم کی جائے گی، آئندہ مالی سال بجٹ میں آئی پی پیزکو ادائیگیوں کیلئے سبسڈی فراہم کی جائے گی۔

ذرائع وزارت خزانہ کے مطابق ڈسکوز کیلئے اور کے الیکٹرک کیلئے ٹیرف ڈیفرینشیل اور ادائیگیوں کیلئے سبسڈی فراہم کیجائے گی،  آزاد جموں و کشمیر کیلئے ٹیرف سبسڈی، پاور ہولڈنگ پرائیویٹ لمیٹڈ کو ادائیگیوں کیلئے سبسڈی ملے گی۔

بلوچستان میں ایگری ٹیوب ویلز کیلئے سبسڈی، فاٹا کے علاقوں میں بجلی کی سبسڈی کیلئے رقم مختص ہوگی جبکہ کے الیکٹرک کے انڈسٹریل سپورٹ پیکج کی مد میں بھی وفاق کیجانب سے سبسڈی ملنے کا امکان ہے۔