کراچی: نیشنل بینک میں مِس پرنٹنگ والے کرنسی نوٹوں کا انوکھا واقعہ رپورٹ کیا گیا ہے۔

کراچی میں اسٹیٹ بینک نے مِس پرنٹنگ والے کرنسی نوٹ بھیج دیے ہیں جن کے ایک سائیڈ پر پرنٹ ہوئے جب کہ دوسرا سائیڈ خالی ہے۔

بینکوں کو فراہم ہونے والے ان نوٹوں کی ویڈیو سوشل میڈیا پر وائرل ہوگئی جب کہ ویڈیو کو متعلقہ ڈیپارٹمنٹ تک بھیج دیا گیا ہے۔

بینک مینجر نے ویڈیو میں انکشاف کیا کہ آج صبح جو کیش آیا ہے، نئے نوٹوں میں ایک سائیڈ پر پرنٹ اور دوسرا سادہ ہے۔

بینک مینجر کا کہنا تھا کہ آج ہی سارے نئے نوٹ آئے ہیں، ایک ہزار کے نوٹوں کی کتنی گڈیاں صارفین کو چلی گئی معلوم نہیں ہے۔

بینک مینجر نے بتایا کہ ایک صارف نے ایک سائیڈ پر پرنٹ والے کرنسی نوٹ واپس کیے تو ایک سائیڈ خالی نوٹ ہے۔

میجر کے بیان کے مطابق صارف کی شکایت کے بعد نوٹوں کے مزید بنڈل چیک کیے تو کرنسی نوٹ کی ایک سائیڈ بغیر پرنٹنگ کے ہے۔

بینک مینجر نے مزید بتایا کہ کرنسی نوٹوں کے پیکٹ میں دو دو نوٹ اسی طرح جڑے ہوئے ہیں۔