سندھ حکومت نے صوبے بھر میں منشیات کی خریدوفروخت کے خلاف موثر کارروائی کے لیے کمر کس لی ہے۔

تفصیلات کے مطابق حکومت سندھ نے منشیات کے خلاف کمر کس لی اور سندھ بھر میں منشیات کی خرید و فروخت میں ملوث افراد کے خلاف بڑے پیمانے پر کریک ڈائون کی تیاریاں شروع کر دی ہیں۔

اس حوالے سے سندھ کے سینئر منسٹر اور صوبائی وزیر برائے ایکسائز، ٹیکسیشن اینڈ نارکوٹکس کنٹرول، ٹرانسپورٹ وماس ٹرانزٹ شرجیل انعام میمن کی زیر صدارت ایک اعلی سطحی اجلاس کراچی میں منعقد ہوا۔

شرجیل میمن نے کہا کہا کریک ڈائون کے لئے اچھے افسران پر مشتمل ٹیمیں بنائی جائیں گی اور منشیات کے خلاف اب بڑے پیمانے پر موثر کریک ڈائون ہوگا۔

صوبائی وزیر ایکسائز کا کہان تھا کہ نوجوان نسل کو منشیات فروشوں کے چنگل سے نکالنا ہے اور اس آپریشن میں بہترین کارکردگی والے افسران کو انعامات و اعزازات سے نوازا جائے گا۔

انہوں نے کہا کہ روزانہ کی بنیاد پر کارروائیاں ہونگی، منشیات کا جڑ سے خاتمہ یقینی بنانا ہے، منشیات فروشوں کے خلاف کریک ڈائون کے ساتھ نوجوان نسل کی آگہی کے لئے بھی کام کریں گے۔

صوبائی وزیر ایکسائز شرجیل انعام میمن نے مزید کہا کہ منشیات فروشوں کے خلاف کریک ڈائون کے ساتھ نوجوان نسل کی آگہی کے لئے بھی کام کریں گے۔

اجلاس میں سیکریٹری ایکسائز عاطف الرحمان، ڈی جی ایکسائز اورنگزیب پنہور، ڈی جی ایکسائز ایڈمن ریاض کھوسو اور دیگر افسران شریک ہوئے۔