کراچی: ملیر جیل میں قیدی عذیر خان جدون نے ایڈز مثبت آنے پر چھلانگ لگا کر خودکشی کرلی۔

وزیر جیل خانہ جات علی حسن زرداری نے ملیر جیل میں قیدی کی خودکشی پر نوٹس لیتے ہوئے تفتیش کرنے کی ہدایت  کردی۔

ابتدائی رپورٹ کے مطابق قیدی عذیر خان جدون نے چھلانگ لگا کر خودکشی کی جب کہ قیدی کو ایچ آئی وی مثبت تھا جس کی وجہ سے وہ شدید ذہنی دباؤ کا شکار تھا۔

وزیر جیل خانہ علی حسن زرداری نے آئی جی سندھ کو واقعے کی تحقیقات کرنے کی ہدایت کردی ہیں، آئی جی جیل خانہ جات کو فوری تحقیقات مکمل کرکے رپورٹ پیش کرنے کی بھی ہدایت کردی گئی ہیں۔

صوبائی وزیر جیل خانہ جات نے مقتول کے اہلخانہ سے تعزیت کی اور واقعے پر افسوس کا اظہار کیا۔