صدارتی انتخابات میں سنی اتحاد کونسل کی جانب سے امیدوار محمود خان اچکزئی نے اپنی نامزدگی پر شکریہ ادا کیا۔

صدارتی انتخابات کے بعد میڈیا سے گفتگو کرتے ہوئے محمود خان اچکزئی نے سنی اتحاد کونسل کا شکریہ ادا کیا۔

محمود خان اچکزئی نے کہا کہ بعض لوگ سمجھتے ہیں پاکستان میں سب کچھ بیچا، خریدا جا سکتا ہے۔

انہوں نے کہا کہ پہلی بارصدارتی الیکشن میں نہ کوئی ووٹ بیچا گیا اور نہ خریدا گیا، آج نئے دور کا آغاز ہے خریدوفروخت نہیں ہوئی۔

اچھے ماحول میں الیکشن ہوئے، میں آصف زرداری کو مبارکباد دینے گیا اور ان کی پارٹی رہنماؤں کو بھی مبارکباد دی۔

خیبرپختونخوا کے 90 ارکان نے مجھے ووٹ دیا، مولانا فضل الرحمان کو ووٹ ڈالنا چاہئے تھا۔

سنی اتحاد کونسل کے صدارتی امیدوار محمود خان اچکزئی نے مزید کہا کہ ہمیں مل کر کام کرنا ہوگا، ابھی ہمارا امتحان شروع ہورہا ہے۔