نون لیگی رہنما حمزہ شہباز اور خواجہ محمدآصف سمیت 41 اراکین اسمبلی کی کامیابی کا نوٹیفکیشن لاہور ہائی کورٹ میں چیلنج کر دیا گیا۔

لاہور ہائیکورٹ میں این اے 117 لاہور سے عبدالعلیم خان کی کامیابی کا نوٹیفکیشن بھی چیلنج کیا گیا ہے۔ این اے 117 سے پی ٹی آئی کے حمایت یافتہ ناکام امیدوارعلی اعجاز نے عبدالعلیم خان کی کامیابی چیلنج کیا۔

این اے 118 سے حمزہ شہباز شریف کی کامیابی کے نوٹیفکیشن کو بھی چیلنج کر دیا گیا۔ پی ٹی آئی کی حمایت یافتہ ناکام امیدوارعالیہ حمزہ ملک نے حمزہ شہباز شریف کے خلاف ٹریبیونل سے رجوع کیا۔

پی پی 152 لاہورسے ملک محمد وحید کی کامیابی کا نوٹیفکیشن بھی چیلنج، پی ٹی ائی کے حمایت یافتہ ناکام امیدوار نعمان مجید نے الیکشن ایپلٹ ٹربیونل سے رجوع کیا۔

این اے 71 سیالکوٹ سے لیگی رہنماء خواجہ محمد آصف کی کامیابی کے نوٹیفکیشن کو پی ٹی آئی کی حمایت یافتہ ناکام امیدوار ریحانہ امتیازڈار نےچیلنج کیا۔ این اے 70 سیالکوٹ سے ایم این اے چوہدری ارمغان سبحانی کی کامیابی کا نوٹیفکیشن بھی چیلنج کیا گیا۔

این اے 75 ناروال سے ایم این اے انوار الحق چوہدری، پی پی 11 روالپنڈی سےایم پی اے عمران الیاس، پی پی 48 سیالکوٹ سے ایم پی اے خرم خان ورک سمیت دیگر اراکین اسمبلی کی کامیابی کے نوٹیفکیشن چیلنج ہوئے

لاہورہائیکورٹ کے گریڈ 21 کے آفیسر رجسٹرار ٹربیونل عرفان احمد نیازی نے درخواستیں وصول کیں ہیں۔ عطاء اللہ تارڑ،  سیف الملوک کھوکھر سمیت 41 اراکین اسمبلی کی کامیابی کے نوٹفکیشن چیلنج ہوچکے ہیں۔

عام انتخابات 2024 میں کامیاب ہونے ہونے والے ارکان کیخلاف انتخابی عذرداریاں دائر ہونے کا سلسلہ جاری ہے۔ جسٹس سلطان تنویر احمد پر مشتمل الیکشن اپلیٹ ٹریبونل انتخابی عذرداریوں کی اپیلوں پر سماعت کرے گا۔