پاکستان فٹبال ٹیم کے کوچ اسٹیفن کونسٹانس کہتے ہیں کہ ہمارا ٹارگٹ اس وقت ایشیاکپ کھیلنا ہے۔

فیفا ورلڈ کپ 2026 کوالیفائرز راؤنڈ 2 میں اردن کی فٹبال ٹیم پاکستان پہنچ گئی ہے، جہاں فیڈریشن کے حکام نے ان کا استقبال کیا۔

پاکستان اور اردن کا مقابلہ 21 مارچ کو جناح فٹبال اسٹیڈیم اسلام آباد میں شیڈول ہے جب کہ اردن فٹبال ٹیم 18 سال بعد پاکستان کی سرزمین پر کھیلے گی۔

پاکستان فٹبال ٹیم کے کوچ اسٹیفن کونسٹانس کا پری میچ پریس کانفرنس کرتے ہوئے کہنا تھا کہ یہ میچ ورلڈ کپ کوالیفائنگ راؤنڈ کا میچ ہے جب کہ ہمارا مقابلہ بہت اچھی ٹیم سے ہے۔

انہوں نے کہا کہ سعودی عرب سے بھی اچھا مقابلہ ہوا تھا، ایشیا کی تین بہترین ٹیمیں بھی ہمارے گروپ میں ہیں جب کہ ہماری ٹیم ابھی بن رہی ہے۔

ان کا کہنا تھا کہ سعودی عرب اور تاجکستان سے میچز سے کھلاڑیوں نے بہت کچھ سیکھا ہے، ہمارے پاس بہترین دستیاب کھلاڑی موجود ہیں جب کہ ہمارا ٹارگٹ اس وقت ایشیاکپ کھیلنا ہے۔

کوچ اسٹیفن کونسٹانس نے کہا کہ ہمارے پاس بھی تجربہ کار کھلاڑی ہیں اور ہمارا فوکس ایشیاکپ کھیلنا ہے۔ تسلسل کے ساتھ ایشیاکپ اور ورلڈ کپ کوالیفائنگ کھیلیں گے تو سیکھیں گے جب کہ تسلسل کے ساتھ کھیلنے سے ہی ایک دن ورلڈکپ ضرور کھیلیں گے۔