ورلڈ بینک نے پاکستان کے لئے 14 کروڑ 97 لاکھ ڈالر قرض کی منظوری دے دی ہے۔

ورلڈ بینک نے پاکستان کے لئے 14 کروڑ 97 لاکھ ڈالر قرض کی منظوری دی ہے جب کہ منظور کردہ رقم دو منصبوں پر خرچ کی جائے گی۔

عالمی بینک کا کہنا ہے کہ ڈیجیٹل اکانومی اینہانسمنٹ پراجیکٹ کے لئے 7 کروڑ 80 لاکھ ڈالر کی رقم فراہم کی جائے گی، سندھ میں بیراجوں کی حفاظت اور بہتری کے لئے 7 کروڑ 17 لاکھ ڈالر فراہم  ہوں گے۔

کنٹری ڈائریکٹر نے کہا کہ سال 2022 میں پاکستان میں تباہ کن سیلاب نے انفراسٹرکچر متاثر کیا، بیراجوں کی حفاظت اور مضبوط بنانے کے لئے اقدامات ضروری ہیں۔

کنٹری ڈائریکٹر کا مزید کہنا تھا کہ ڈیپ پروگرام کے تحت شہریوں اور مختلف فرمز کو ای سروسز دی جائیں گی۔