اسرائیلی بمباری سے وسطی غزہ میں ایک گھر میں ٹوٹ پڑی جہاں سحری کے لیے موجود ایک ہی خاندان کے 36 افراد شہید ہو گئے۔

تفصیلات کے مطابق اسرائیلی بمباری سے بے گھر ہونے والا طباطبی خاندان رمضان المبارک کے پہلے جمعے کی رات کے دوران وسطی غزہ میں ایک ساتھ سحری کے لیے جمع ہوا، یہ منظر جلد ہی خونریزی میں بدل گیا۔

زندہ بچ جانے والوں نے ایک غیر ملکی خبر رساں ادارے کو بتایا کہ ایک فضائی حملہ اس عمارت پر ہوا جہاں وہ رہ رہی تھیں جب خواتین روزے سے پہلے سحری تیار کر رہی تھیں، جس کے نتیجے میں ایک ہی خاندان کے 36 افراد شہید ہو گئے۔

حماس کے زیر انتظام غزہ کی وزارت صحت، جس نے اتنی ہی ہلاکتیں فراہم کی ہیں، نے اسرائیل کو نصرات میں حملے کا ذمہ دار ٹھہرایا ہے، جبکہ اسرائیلی فوج کا کہنا ہے کہ وہ اس واقعے کی تحقیقات کر رہی ہے۔

19 سالہ محمد الطباطی، جن کا بائیں ہاتھ حملے میں زخمی ہوا، نے دیر البلاح کے قریب الاقصیٰ شہدا ہسپتال میں روتے ہوئے کفن میں لپٹی لاشوں کی طرف اشارہ کر کے بتایا کہ یہ میری ماں ہے، یہ میرے والد ہیں، یہ میری خالہ ہیں، اور یہ میرے بھائی ہیں۔

محمد الطباطی نے مزید کہا کہ انہوں نے گھر پر اس وقت بمباری کی جب ہم اس میں تھے۔ میری ماں اور خالہ سحری کا کھانا تیار کر رہی تھیں۔ وہ سب شہید ہو گئے۔

انہوں نے یہ بات اس وقت کہی جب لاشیں اسپتال کے صحن میں پھیلی ہوئی تھیں اور پھر انہیں ایک ٹرک پر رکھ کر قبرستان لے جایا جا رہا تھا۔

اسرائیل کے زیر قبضہ مشرقی یروشلم میں مسجد اقصیٰ کے احاطے میں کشیدگی کے خدشات کے باوجود رمضان المبارک کا پہلا جمعہ پرامن طریقے سے گزرا۔

یہ حملہ حماس کے زیر انتظام حکومت کے پریس آفس کی جانب سے شمال میں غزہ شہر سے لے کر جنوب میں رفح تک 60 مہلک فضائی حملوں میں سے ایک تھا۔

حماس کے زیر انتظام سرکاری میڈیا آفس کی سلامہ ماروف نے کہا کہ یہ ایک خونی رات ہے، ایک بہت خونی رات ہے۔