اسلام آباد: وزارت خزانہ نے رواں مالی سال جولائی تا فروری تک معاشی کارکردگی رپورٹ جاری کردی۔

وزارت خزانہ نے رواں مالی سال جولائی تا فروری تک معاشی کارکردگی رپورٹ جاری کی ہے جس کے مطابق معاشی ترقی کی شرح پہلی سہ ماہی میں 2.5 فیصد رہی جب کہ معاشی ترقی کی شرح دوسری سہ ماہی میں 1 فیصد رہی۔

رپورٹ کے مطابق جولائی تا جنوری بجٹ خسارے میں 37.9 فیصد اضافہ ہوا، بجٹ خسارہ 2720 ارب روپے تک جا پہنچا، نان ٹیکس آمدن میں 104 فیصد اضافی ہوا جب کہ نان ٹیکس آمدن 2140 ارب روپے رہے۔

جولائی تا جنوری ٹیکس آمدن میں 29.8 فیصد اضافی ہوا، ٹیکس آمدن 5831 ارب روپے رہی جب کہ جولائی تا مارچ زرمبادلہ کے ذخائر 13.4 ارب ڈالر کو پہنچ گئے۔

رپورٹ میں مزید کہا گیا ہے کہ جولائی تا فروری سمندر پار پاکستانیوں کی ترسیلات زر 1.2 فیصد کم ہوگئی، جولائی تا فروری سمندر پار پاکستانیوں کی ترسیلات زر 18.1 ارب ڈالر رہیں۔